次圈佳丽IG起底 有美人鱼有混血儿有日本妹

所谓一年容易又港姐，2018年港姐竞选下月举行，目前已进行了两轮面试，普遍人都认为今届参加者算高质！除了狄易达前女友陈晓华(Hera)、前As One成员陈苑澄被传媒广泛报导外，其实仲有唔少佳丽值得留意，佢哋啲IG都几多姿多采㗎！

次圈佳丽IG起底

｜贵州姑娘Krystal

20岁大学生杨钒(Krystal)，首轮面试未见其蹤影，所以次轮面试现身时令人眼前一亮！Krystal表示自己来自贵州，来港读书四年，指自己初时唔识讲广东话，依家已经进步好多！

少理露Bra

Krystal样貌清秀、说话尚算大方得体，身材方面似乎都係有料之人，自然备受注目！不过次轮面试时，其实有记者朋友提佢整理内衣，当唔知Krystal係咪听唔清楚，所以不加理会！

走文青feel？

睇番Krystal的社交网站都有唔少靓相，啲相又几有男士们至爱的文青feel，感觉清丽脱俗，都几值得近赏㗎！

啲甫士都几有个性！

NN

｜索爆美人鱼Honey

23岁参加者Honey果真人如其名，拥有一身蜜糖健康肤色、笑容甜美，感觉好阳光好有活力，一袭枣红色吊带短裙亦尽展其美好身段，难怪谋杀大量菲林！

斯文look一样得

Honey如外界所料成功进入次轮面试，呢次佢就换上斯文款式连身裙及高踭鞋，OL造型一样吸睛！

Honey透露自己係一名潜水教练，难怪一身健康肤色，身形亦係弗到漏！

喷血泳衣照任睇

作为潜水教练的Honey当然喜爱大自然，其社交网站中见到唔少索爆泳衣照，真係好期待佢入到决赛！

名副其实係美人鱼！

｜旅游达人ZaZa

21岁的范莎莎(ZaZa)一睇都知係活泼好动Style，犹记得佢初选时面对记者充满灿烂笑容、有问必答而且甫士多多，确係容易令人留下印象！

ZaZa次轮面试时着上与首轮时同款的露膊连身裙，不过就变为火红色，配埋同色高踭鞋，青春无敌！

周游列国

ZaZa透露自己于荷兰修读旅游管理，睇番其社交网站亦係相当精彩，周游列国的照片中完全睇得出佢活泼开朗的一面，大台啲旅游节目可以考虑ZaZa喎！

ZaZa之前同记者讲自己样貌身材可能较输蚀，用其他方面搭够，不过小编觉得佢谦虚啫！

｜精通六国语言 CoCo

陈筠玲(CoCo) 今年24岁，现正攻读港大犯罪学硕士，最厉害係识六国语言，包括普通话、英文、韩文、德文等等，CoCo面对记者时够淡定，说话大方得体，有讲有笑好亲切。CoCo表示自己想成为一位出色的司仪，口材果然了得！

胜在够健谈

小编老实的说，CoCo样貌喺参加者中算係普普通通，不过胜在够健谈，给人亲切又开朗的应觉。之前记者提到有人话佢似曾志伟及卡通人物大蕃薯，佢都係一笑置之，仲会自嘲一番，需知道谈吐方面亦係港姐重要一环！

其实过往都有唔少靓女成功入到港姐决赛，可惜问答环节口窒窒甚至讲到九唔搭八，每人印象大打折扣，不过CoCo呢方面应该绝对冇问题！睇番CoCo的社交网站，生活都算係多姿多采，似乎仲好喜欢饮饮食食！

｜中日混血儿 Yutori

小编之前仲话佢个feel似「晶女郎」… 呢位係工藤佑采(Yutori)，工商管理学生，仲係中日混血儿！

身世可怜…

Yutori杀入港姐次轮面试，身世亦随之被起底，据知其身世可怜，父母双亡，现时自己一个人在港生活，提名Yutori的人係开点心店的名媛陈君宜。

｜中英混血儿 Linda

本文最后一位，今年21岁的蔡优美(Linda)，原来係中英混血儿，现于深圳大学修读英文系二年级。后生女仲要係mix，但係两次面试时的衣着都唔係人人识欣赏…

呢条裙集合骚胸、透视、晒腿、大露背于一身，不过感觉就…

大家觉得佢有有机会入到决赛呢？